+ / احنا فين وانتما فين.؟
----------------------------/
( بين الفقير و الغني فرق شاسع إلاٌ أن
السر معروف فما قولك أيها الضمير.؟)
(زجل)
مكتاب ما منو هروب
و القلب شمعة كيذوب
واحنا فين وانتما فين.؟
انتما يا الطالعين.!
واحنا يا الهابطين.!
قولوا فين اوا فين.؟
* بين السما والأرض امعلقين.!
ف الربحة ديما خاسرين
عيون الشواري خاويين
انتما يا سادتي الرابحين
اجيوب اللبسة العامرين
سر اللعبة سر العارفين
دعوة الرجال الصالحين
السر فالعشرة يا الزين
* فالموضة والنخوة عايشين.!
قولوا فين اوا فين.؟
احنا شعب...الملايين
احنا شعب المساكين
القهرة بها....اموالفين
بنص الخبزة قانعين
سول القمحة و الشعير
اجري مجراك يا طوال
سول لفجر و الليالي
لا اتقول لي يا الكافر
انا انحبك يا اغزالي
قالت : عيشة لالة للدراري
على ضهرها بالصغير كتراري
باباكم على ريال كيجري
مسكين ما عندو ازهر
انا اللٌي.......عايشة امعاه
وحدة فيها اخوت
اعرفتوها الموت
تلبس لكفن بلا جيوب
تضرب يدك فالتراب.!
تجبر الدودة امعاااااك.!
اعرفتوا الغاية فين جات.؟
( مجرد مقارنة بين الفقير والغني والنهاية واحدة)
*مافيهش اغاني الليلة ذي.؟
ذ/ العابد عبد الرحيم : 01/02/2023
ليست هناك تعليقات:
إرسال تعليق