/ ااااااالحرباء ---
----------------------/
( لعن الله كل منافق يلبس بدلة الحرباء)
(زجل)
تعرف فالناس كثرة
تعرف...فالناس قلة
الى كانت الصحبة بالحاجة
--صحبة--
محال...ايكونو لي اصحاب.!
الله يلعن كل صحبة
صحبة اوراها حاجة
*قليل ولد الاصل أيكون اصديق ليك خاوة.!
اللباد يتودد الى ابغى الحاجة قضيتي مرادو بالشكر والمحبة
بالشكر والتعناق اداها
نمرود بن نمرود هو.!
فرحان بطيب الخاطر اقضاها
ثعلب لباد يلعب بشوالو اداها
*ملعون ولد الذيب معروف غذار.!
*ايلاهي السارح ايجي وقت الغفلة
اتسير انيابو تفرس ما يعرف رحمة.!
اللسان ماضي...سكين في اضهرنا
اسنانو اسنان بالبغض منشار قاطع
امخلط طبخة من كل عشبة
لحلاح في الاصل ولد الكلبة
ايبدل الالوان شكل الحرباء
* يسحر يفتن بكلام يخدع بالهضرة.!
الى كثر المدح عرفو
مداح......ناوي ضربة
ملعون هو ولد الكلبة
*جاي ضاحك الغذر امعلمو صنعة.!
اسلب....لعقول اداها
يا ويلي منها صحبة.!
بالخد و التعناق يلقاك فارح
=حربا = يلبس ايبدل ألوان
يضرب شكل فالقالب ميزان
*هاذيك خويا وحدة هذيك لعبة.!
*واللعب اكثير ألوان = الحرباء=.!
احسن اللخصو اكلامنا في كلمة
اعرف......صاحبك وقت الحاجة.!
*لكلام اطويل كل الواحد لسعاه لفعة.!
العابد عبد الرحيم: 05/09/2018
ليست هناك تعليقات:
إرسال تعليق