العيون الزرقاء
..............
السما من عيونك سرقة هاللون
والبدر من جبينك شعشع نور عالكون
انتي وحيي والهامي وفيكي مفتون
انشاالله تسلم هالقامه مع احلى عيون
بدي قلك هالمره واحكي عن جد
الورد الجوري هاديكي حمرة هالخد
تمك والزهره الحمره جايي عالقد
سهام عيونك فتاكه والغمزه جنون
حني عليي بنظره يم الغره
واشواقي الك صارت صعبه ومره
وساعه الفيها مابشوفك بحس بحسره
وبيطير العقل مني وبصير مجنون
حبك شاغلي بالي وذوب هالقلب
صرت عبحاكي حالي مضيع الدرب
انتي حبي وامالي يشهد الرب
قلبي عندك يابخيله اصبح مرهون
نبال عيونك صوبتي وقلبي اسرتي
حكمك عليي نافذ شو حكمتي
النار بايدك شعلتي وما رحمتي
قلبي الولهان بحبك فيكي مفتون
...................
الشاعر
سعيد الحكيم
ليست هناك تعليقات:
إرسال تعليق