اول ما بشوفها....بقلم الشاعر السيد محمد

 بقلمى /السيد محمد

أول ما بشوفها عيوني بتفرح.. 

وشجر الحب في قلبي بيطرح.. 

وأشواق بتزيد ويا الأمانى.. 

بتعزف ألحان وعشق وأغانى..

وجراح بتطيب بنظرة عيونها.. 

وبتسحرنى بنضارة بشرتها و شكلها ولونها..

نبض قلبي بيدق أكتر.. 

بيفتخر بوجودها وعلى الناس بيتكبر.. 

ملاك برئ مش زى البشر.. 

ونورها عدى حدود القمر.. 

إبتسامتها لا يمكن تكون يا ناس عاديه.. 

مرسومه على الخدود بألوان ورديه.. 

والجفون ورد مفتح زي الياسمين.. 

 على شط عينها شوق وحنين.. 

عيوني تشوفها وفيها بتسرح.. 

وقلبي بيها بلهفة بيفرح..

بقلم /السيد محمد