*****(( الهَجر قَسري))*****
كَتَبت القَصيدة والدَمِع هَدار
تحَيَرت شو أكتُب أنا وحِبري
راحوا وولوا تاركين الدار
يا ريت لو مَعهُم خِلِص عُمري
تاهوا ما بين البَحر والانهار
بالليل مِشيوا والوَقت بَدري
تأثرت لما سمِعت بالاخبار
راسي وَجَعني نار في صَدري
عَرفت إنهُم قاطعين بحار
البحر هائج إهدى يا بَحري
لو تِعرفوا يلي جرى والصار
الشَعب هاجر والهَجِر قَسري
ياما بلدنا ضَحَت بثوار
والعاصفة وسلاحها الذري
راحوا بعيد وبَعَدوا المِشوار
تمَنيت لو بَصدِر أمر سِحري
الشَعب كُله آمن بإصرار
العودة ديما تِسرَح بفِكري
ويعودوا يِبنوا الوَطَن والاحجار
وهناك أتفاخَر انا بفَخري
ونضوي نُجوم السَما والاقمار
ونَهر المَحَبة يصُب في نَهري
ونعيش عالزَعتَر معه لِبهار
وإن مُتِت أبقى عايِش بقَبري
والدَمع يِنزَل عالوجه مِدرار
وكُل السَعادة بالقَلِب تِجري
الشام يا نَقمة على الاشرار
رَب السما وَكَلت في أمري
فلسطين يِحميها العَلي الجَبار
فِري يا دَمعات الفَرَح فِري
ليست هناك تعليقات:
إرسال تعليق