إنسان بلا قلب ....بقلم الشاعر السيد محمد

 بقلمى /السيد محمد 

    ( إنسان بلا قلب )

كرهت اليوم اللي عرفت فيه الحب.. 

كان نفسي أعيش إنسان بلا قلب.. 

عايش حياتي طول عمري في جراح،،

 وبصدق أي كلمة حب حتي لو كانت كدب في كدب.. 

ومهما اللي بحبه بيبعد وينساني قلبي من تاني بيتمني القرب.. 

وأول ما عذاب الحب يقتلني بأرفع أيديا وبقول هون عليا يارب.. 

قلب حبيبي قاسي عليا رغم قلبي أحن وأطيب قلب.. 

بعد غيابه رضيت بهمي وعذابي وقلبي أستسلم لكل هم وكرب.. 

بدَّور علي الآمان وما وجدته وكل يوم بموت من الرعب.. 

كل حاجه بشوفها عكسي حتي نور الشمس بحسه بيطلع من الغرب.. 

حتي النيل مبقاش صافي بقي ملوث زي القلوب والطعم منه مبقاش عزب.. 

هموت قلبي وأريح نفسي وأعيش في الدنيــا إنسان بلا قلب.. 

بقلم /السيد محمد