نفسي نرجع زي زمان
....................
يا عيني على بلادي الجميلة
كانت درة بصدر الزمان
بأبهى صورة أجمل مدينة
كانوا بيشاوروا عليها بالبنان
عشش الغربان بأبراج الحمام
مإللي جرالها حالها عدم
قلقوا منامها سرقوا الأحلام
غرقت بأحزانها حسرة وندم
صبحت ذليله وضاع الأمان
من جراحها بتشكي وجعها
ضحكها ومزاحها كان هم
زاد ألامها ماحدش سامعها
سالت دموعها تنزف دم
ماتت البسمة على الشفايف
الدموع بالعيون تشكي حالها
بكرة من الغيب خايف
الحلم شاب مإللي جرالها
والأمل على بابه سجان
بلادي الجميلة صبحت كئيبة
طالت الغيبة تاهت خطاوينا
اتغير شكلها بقت غريبة
الفرح نسينا مبقاش يجينا
اشتقنا لأيام الود والحنان
الإبتسام كان بيزين الشفايف
القلب زارع المحبه أغصان
بالحب عمران مكنش خايف
ولا كان جار عليه الزمان
بلدي الجميلة بوقت قصير
ضاعت وضاع منها الأمان
كل شئ فيها اتغير
نفسي نرجع زي زمان
فين ليل سهرنا وسمرنا
ويا قمرنا نحكي ونتحاكا
الظروف صعبه ده قدرنا
عمرنا ماكنا بنشكي ونتشاكا
الوقت بنتباكى عاللي كان
لسه فاكر فرحتنا بلمتنا
لما كنا حوالين بعضينا
في حتتنا أصحابنا وشلتنا
وبيتنا يجمع جيرنا واهلينا
الضحكة مرسومة عالوشوش
الفرحة بساتين بالهنا طرحه
الهم ناسي شكله مااعرفهوش
الفرح فاكره كأنه إمبارحه
سمعه بيغني أجمل الألحان
نفسي نرجع زي زمان
.......
بقلم.الشاعر
ليست هناك تعليقات:
إرسال تعليق