زجلية تحت عنوان:
السلاك***
يا هذاك
بصوت ولاد بلادي طلعناك...
تماك
مالك ولتي حدية
قليل الاصل والعقلية شوكية
ها القهرة ها لهلاك
زدتي لمهموم هم
شي درتي ليه الخاصة شي لغم
شي ردتيه حافي ؤ قطيع غنم
التجهيل والتمييز ؤ ضرب الطم
ؤ لَ بيد خوك نهرس قفاك
يا هذاك
مالك نسيتي ذاك ؤ ذاك
ل في الدروبة و الكريانات تالفين
ما هما موتى م هما حيين
م سولتي على ل قراك ؤ رباك
جمعت المال والسلطة
لهيتي بنادم في الركزة والعيطة
ؤ ما عادت حتى حاجة كفياك
نزل تشوف في الحومات والدروبة
شباب غارقين عطالة نفوسهم مقلوبة
بل شوف شحال من حر...
رجع سعاي عفاك
نزل لتحت ؤ تفرج
دور الدواور ؤ ف الزلط تفرج
ما شي باش تجلس على الكرسي جبناك
او تنهب حق الفقراء
لا خبز لا خدمة لا ضو لا ماء
خنتي الوعد والطمع جلاك
نزل تشوف يا سي بو لفهمات
العنصرية والتمييز والعيون بكات
عايشة عيشة ذبانة ...
ؤ حتى لبطانة تعفنت معاك
واش عجبتك الفخفخة
لفيلا ولمرسديس والراحة
كلشي فابور زعما ؤ ربي ل عطاك
ياك
ولينا مراض
حيت طلعناك ؤ عدت من لغلاظ
عدنا اقزام قدامك ؤزدتينا غلا سواك
يا هذاك
عنداك تصحابنا مغفلين
فاهمين اللعبة وبكل يقين
تجمع فما نت الا نهاب سفاك
غدا تلاح ؤ تدفع الثمن يا فلان
ترد لي سرقت ؤ ذوك لملاين
الحاويات ل تستاهل...
ؤ تخوذ ل جاك
يا هذاك
ليست هناك تعليقات:
إرسال تعليق