زجلية تحت عنوان:
***غزالي
نْتي ديالي
رزقي وحلالي
الزين الكامل
بدري ؤ هلالي
بك النور ضوا
في لقناعة و لوفا قدوة
بدري و هلالي
زديني من ذيك الطيبة و لمحبة
سقيني من ريقك مرة مرة
يكبر هناي ؤ راحة بالي
لا تخافي
انا ماشي من هذوك
البدالة ؤ ل باعوك
ؤ لِ خانوا ؤ قلبهم بالي
بك رجع شبابي
فرحتي نتي ؤ من الهم غربالي
فبقاي على صباغتك
الرزانة والصفا صفتك
سقيني من صفاك ...
ؤ بالرحمة قبلي خلخالي
واخا رخيص ...
ففي القلب مقامك غالي
نتي لي وأنا ليك
جمعنا ربي ؤ بالوفا بارك ليك
حبيبتي انا و غزالي
*** الزجال والشاعر: أحمد الكندودي *** المغرب ***
ليست هناك تعليقات:
إرسال تعليق