====== لمتنا الحلوة ======
أيامه الحلوه
بجد جميلة
حواليه يتجمع
كل العيلة
الكل فرحان
رجعت لينا
فرح زمان
أهلا وسهلا
يارمضان
مليت قلوبنا
بكل الخير
والتراويح والقرآن
ونطلب رحمة الرحمن
ونقول يارب ياغفار
منك وحدك الغفران
وليلة القدر
ليها القدر في شهر كريم
نطلب عتقا من النيران
يارحمن ياحنان يامنان
رمضان البركه
رمضان الحركه
رمضان النصر بوحدتنا
فيك التقوي والإيمان
شفت أبونا قبل المغرب
بيوزع خير وبقلب كبير
علي الصايمين وبفرحة كتير
مسلم ومسيحي فرحانين
علشان شهر الرضا والنور
الكل مسرور كلنا واحد
بس في الخير
بلدنا عظيمة في وحدتها
في ارادتها للتعمير
رمضان اللمة رمضان العيلة
رمضان الكل في تلاتين ليلة
وحدة حب تدوم علطول
وتبقي بلدنا حلوه جميلة
بقلمي
صلاح شعبان الفيداوي
القاهرة
٧/٤/٢٠٢٢
ليست هناك تعليقات:
إرسال تعليق