جمال صناعى
فجاءة كده أصبحت عيون
بنات العرب خضرة وزرقة
والعيون السود اللى ياما
غنوا لها بقت مش مناسبة
اما الحواجب شالوها شيل
ودقوا بدالها تاتو ورسمة
المناخير المبرطشة صغروها
ونمنموها متقولش نبقة
والشعور كلها بقت سارحة
وطويلة وعملوا لها وصلة
والشعور السوده كخة صبغوها
على كل لون وصبغة
كل الشفايف بقت مفرطحة
ومكلبظة ومنفخوة نفخة
والخدود ما شاء الله مليانة
على الآخر ومدكوكة دكة
الجمال كله صناعي والحريم
عايزه تبقى نانسى وهيفا
غيروا خلقة ربنا ولعبوا فيها
بمناسبة وبدون مناسبة
اللى عدى عليها قطر الزمن
عايزه ترجع حلوة وشابة
هات ياشد وشفط ويخرطوها
لأجل تبقى الجثة مزة
كله زينة وكله عيرة مالها
خلقة ربنا خلقته فضل ونعمة
حقك تتجملى وتتزينى بس
اختارى الحاجة المناسبة
الشاعر عبد المنعم حمدى رضوان
ليست هناك تعليقات:
إرسال تعليق