فات الأوان (390)
................
جاي لي يبكي
جاي بيشكي
بعد ما فات الأوان ..
بعت أهلك قولت أعادي
إفتريت والكره بان
شيلت سيف عنتر زمانه
والغرور قواك كمان
قلب جاحد مات أمانه
ناسي ليه طعم الحنان
كل ظالم جايله يومه
دوق حصادك دوق كمان
مش هتشفع لك دموعك
ما أنت ياما أذيت زمان
كنت فاكر صحه دايمه
بص حالك عظم بان
والفلوس عالوش عايمه
في الحرام باشت كمان
جاي تشكي تمد أيدك
مين هيفتح لك بيبان
يوم ما صونتش
فيه أبوك
هنت أمك يوم ما جوك
أيد شيطان خليتها مدت
تضرب أمك ويا أبوك
للأسف من الصدمه شلت قلبهم إزاي جابوك
مات أبوك من الحسره
خايف تدفن أمك
جنب أبوك ..
والجيران شالوها شيل
من حنانهم عوضوك
حاطه فوق
القلب حجره
حارمه عينها ما يشوفوك
جاي بتشكي مهما تبكي
اللي ليك خلاص فاتوك
بقلم .. صبري رسلان
ليست هناك تعليقات:
إرسال تعليق