شاعر وموعود
،،،، ،،،،، ،،،،،،
شاعر وموعود
والحس ياما هايعود
كان نفسي أمسك عود
وأعذف أنا موعود
أصلي بحب الغنى
من صغري وأنا فنان
عاشق ليالي الطرب
والمغنى و الألحان
واحب صوت حليم
لما يقول موعود
واتوه انا في ستنا
واعشق أيام زمان
واحب اسمع فريد
وبعشق اسمهان
وقوم على صوت صباح
تطيب كل الجراح
واحب صوت شاديه
نغماته كده هاديه
يا سلام على عبدالوهاب
احساسه كده غلاب
وبعشق أنا قنديل
لما يقول مواويل
واحب صوت فوزي
تملي ساكن قلبي
وليلى مراد كمان
صوتها ملان الحان
واحب أسمع محرم
احساسه كله نغم
غنالنا رمش عينه
وكمان حكايه غرام
كان نفسي أنا أغني
ويقولوا يوم عليا
يا سلام على صوت سامح
تسمعه القلوب تتسامح
واتمني يجيي اليوم
وامسك انا العود
والناس تقول الله
دا صوت ولا في الوجود
،،،،،،،،،، ،،،،،،،، ،،،،،،،،،،،
شاعر وموعود
كلماتي.....
شاعر الأحزان....
ليست هناك تعليقات:
إرسال تعليق