حرق بخور (536)
..............
لموا الأحاسيس
عنا إتسجنت
ولا عدش قلوب
حطولنا حجارة
جوا صدورهم مع دبش وطوب
خلونا ندور حوالين دايرة
على وهم عقول
لا محوق ذكرى وثوب ماضي
ولا حتى أصول
وبقينا نشوف ألوان بكرة
من حرق بخور
أشتات أشتوت حسب النيه
وعفريت مجهول
ووشوش وبتقلب كده فجأة
وبلوك وسور
إن عدى اليوم كده سوكيتي
حظك منصور
ما خلاص الأحاسيس
وإتلميت وحفظنا الدور
والوهم إن كان ولا ماكانشي
جواك له قصور
ساكن له سنين ما بيطفشي
حالف ما يغور
بقلم .. صبري رسلان
ليست هناك تعليقات:
إرسال تعليق