طريق الحياة (538)
................
ضامن تعيش يوم آت
طب رد يوم كده فات
دنيا وطريق مسافات
غصب ورضا هنمشيه
مكتوب هنفرح فيه
ولا نعيش أموات
له مال قارون ما غانيه
وطريقه نهب وهات
وفقير وجار للبيه
والخطوه كوم أزمات
عايش يا دوب بالرضا
قوت يومه حاف يكفيه
جنبه البعيد فرعون
دايس على اللي ماليه
أخر الحرام إندفن
ملقوش له ثوب يسترة
ولا قبر قال هآويه
وفيه غيره حاله يسر
له لسان ده علقم مر
حساد في طبعه يضر
والشر عامي عينيه
ضامن يعيش يوم أت
طب خد ثواب بسكات
وأدعيله لأجل إن مات
يكفي العباد ما يضر
أعمار يا دوب مسافات
فيها الحلا والمر
بقلم .. صبري رسلان
ليست هناك تعليقات:
إرسال تعليق