/ من ذاق الحنضل شربو.؟
------------------------------/
من اشرب لمرار ؟ من ذاق الحنضل.؟ نحكي لو حكاية.!
--------------------------------------------------------------------
(زجل)
كلنا اشربنا من كاس العلقم
ذقنا المر ذقنا لحو والحنضل
مرينا من عين لبرا أو جرٌبنا.!
* واللٌي ما جرٌب ما اعذر خليه.!
كلنا اصبرنا صبر ايوب الف مرة
تعودنا على الحزة والشدة ولفنا
اللٌي قال نعطيك العاطي مولانا
* ياما حركنا فالمحرك بالكلخة واعقلنا.!
ادينا أو جبنا ف ليام
الراس سكنتو الشيبة.!
قلنا الشيبة من لوقر
كتبت لحروف قصة.!
حكات على ما صار بها
فازمان نعثر و انطيح.!
* واللٌي ما جرٌب ما اعذر خليه.!
دابا ليام اتوري لو لحلوة و المرة
يبكي و ايقول يا اندامتي عليها
ايشوف السراب و ايظنو
غذيرة يقصد ناوي يشرب.!
من قبلو احنا جرٌبنا
اضربنا لبرق والرعدة.!
ما اكسبناا ما خلينا
بتنا على جنب الراحة.!
* كانت الغلطة غلطتنا
غلطت غافل حضر النيٌة.!
ف سوق انخاسة باعوه
بريال أو نص اللوقية.!
كمدها في قلبو و امشا
بقات سر من أسرار الحكَرة.!
يبحث فالتربة ما يجبرها
من يجبر عين لبرا فالرملة.؟
ايمر قرب وحدة ايسولها
ايظن السعد والدنيا ألقاها.!
قالت لو يا ولدي انت غلطان
شوف ادموعي تعرف الحال.!
( رجع من نفس الطريق وكل هموم الدنيا يحملها على كتفيه.
لم يتحقق مبتغاه بات تائها كالعادة ولا زال إلى حد الآن تائها
وسيبقى تائها عنا اذا لم يصحح مساره ).
ذ/ العابد عبد الرحيم : 08/10/2022
ليست هناك تعليقات:
إرسال تعليق