/ يا تراه يا تراه
-------------------/
( قصيدة أهديها الى كل من نهشت الذئاب لحومهم )
(زجل)
يا تراه يا تراه
الليل عسعس
وا يا اصحابي.!
* واش ما جبتو لدٌنيا اخبار؟
* قصة نحكي واخبار هاذي.!
را ليام عادت سودة فحمة ظلام!
عادت فاخر زاند تكوينا اجمارو.!
لا قنديل يلحس اظلامها خويا.!
يا تراه يا تراه يا تراه يا تراه
واش عادت.؟ واش راحت.؟
سولت الحال ما اتكلم.!
يعلم الله شوف الخداع اش دار بها.!
لا شمس ولا كَمرة ولا انجوم طالعة.!
* العتمة فالعتمة ملي طلعت وجوه غازية !
وا غير قول لي
وا غير قول لي
سرك في بير مخفي
و الله مني ما اتخاف.!
نفس الهم فالقلب محمول.!
و يا اندامتي و يا اندامتي.!
* اندمت انا ما ندموا اخرين.!
نفس الضربة و الجرح راه دامي.!
والمحنة محنة اه محنتنا اجميع.!
وا يا تراه وا يا تراه
وا يا تراه وا يا تراه
لمخير فينا سرج العود رابطو.!
راح يشخر ذيك عادتو.!
ساعة امباركة ساعة لمحاين.!
بالله عليك وايا راسي.!
* فكر خمم في ساعة الشدة اجدب.!
اللٌي غربلتو البارح ادٌاتُو الريح.!
واللٌي افرحت بيه سار خلاني.!
الذيب إلى جاع.!
من رزقي اعطتو.!
اطغى واتجبر كثٌر اضنايتو.!
من الغابة يهجم مع اخوتو.!
و الذيبة تولد عشرة اتزيد و اتقول حاربوا.!
والجرو حافظ لوصية يأكل يلحس شاربو.!
اللٌي اجبر الخير في غير دارو ايربع رجليه.!
ياكل يشرب بلا ضيافة ايفرش فيها اسكن.!
مالها اطوالت علينا خاوية.؟
غ شد البارد الحامي علاش.!
مالها أطوالت علينا خاوية.؟
وا يا تراه وا يا تراه
وا يا تراه وا يا تراه
الليل عسعس
و يا اصحابي
الناس للناس اتكيد لمكايد مجبورة.!
وانا انكيد الخير و انزيد ف معطاه.!
(جبر الله كل خاطر مكسور مالو اجبيرة)
الأستاذ المحامي العابد عبد الرحيم : 03/10/2022
ليست هناك تعليقات:
إرسال تعليق