--- ابتسامة قبل الموت ---
---------------------------------
(زجل)
غير ابتسمت حكات او ماتت
خلات ضاحك وراها يضحك
*قالت شي كلمات ساروا حكمات.!
نوصيكم يا عباد الله
قتلوا........الأنا فيكم.!
*خليوا الضمير
ابيض
* صافي ينفع.!
خليوا لغديرة اللي جا يشرب
خليوا الكاعة اللي جاع ياكل
قالت: ( علاش؟)
كل واحد سمو ف نابو
كل واحد داخل جلابو
كل واحد خبزو فاقرابو
كل واحد راتع ف فدانو
داير اخوتو..........عديانو
*اونزيدكم اتعلموا الحرف ينفعكم.!
زاروا القبر يوم الربعين
قالوا لالة جينا شاكيين.!
شي وحدين مع شي وحدين
حوزوا لحقوق بجوج يدين
شي وحدين مع شي وحدين
شي يسار................شي يمين
شي شياطين مع مظلومين
*قالت ما عند الميت باش ينفعكم.!
سيروا تاويوا الخاوة
والصلح بينكم احسن
ديروا ما داروا لخرين
ف محراب الصالحين
*نقصوا الأنا ساعة صليوا
في محراب العاشقين.!
*حب الناس فيه الراحة كل
واحد يشري الياسمين.!
*عيشوا الباقي فالحياة مرة بالصحبة اتعاونوا.!
*يبقى لقبر او لحجر غدا حفروا قبوركم احدايا.!
(لا دوام الاٌ لله)
العابد عبد الرحيم:26/05/2020
ليست هناك تعليقات:
إرسال تعليق