سبتني وبعدت ليه
ـــــــــــــــــــــــــــــــــــــــ
سبتني وبعدت ليه
وظلمت قلبي معاك
كان بس جرالك إيه
دا أنا عيشت بتمناك
تكون جنبي حبيبي
ــــــــــــــــــــــــــــــــــــــــ
ماتقولي عملت إيه
يستاهل كل دا
إنك تبعد وتهجر
وتسيب قلبي يفكر
هايكمل تاني ليه
ــــــــــــــــــــــــــــــــــــــــ
هايعيش لمين حياته
من بعدك يعمل إيه
هيسلم قلبه تاني
لحد يدوس عليه
ويبيعه ويشتريه
ــــــــــــــــــــــــــــــــــــــــــ
كان ليه بعدت عني
من غير ما نتعاتب
طب حتى كنت قولي
أو كنا نتفاهم
من غير ما تبيع وتمشى
ـــــــــــــــــــــــــــــــــــــــــ
ليه جرحت إحساسي
وبقيت عليا قاسي
مش عارفة عملت إيه
تايهة ومحتارة ليه
بعدك عني يا عمري
ــــــــــــــــــــــــــــــــــــــــــ
دلوقتي جاي تقولي
نرجع تاني حبيبتي
كان بس ده كله ليه
ليه هان عليك فراقي
وكنت سبب ضياعي
ــــــــــــــــــــــــــــــــــــــــــــ
معلش مش هاقدر
من تاني ارجعلك
ياما أستنيت ليالي
ترجع وتكون نصيبي
ماتقولش دا القدر
ــــــــــــــــــــــــــــــــــــــــــــــ
مش ممكن أصدقك
وأعيش تاني في وهمك
من بعد ما دوقت جرحك
وهان عليك عذابي
ونهايتي كانت بأيدك
ـــــــــــــــــــــــــــــــــــــــــــــــ
لو كان لسة فاضلي
في عمري لحظة تاني
أنا مش هافكر فيك
مانا مره هونت عليك
ومشيت وسبتني
ـــــــــــــــــــــــــــــــــــــــــــــــ
ـــــــــــــــــــــــــــــــــــــــ
سبتني وبعدت ليه
وظلمت قلبي معاك
كان بس جرالك إيه
دا أنا عيشت بتمناك
تكون جنبي حبيبي
ــــــــــــــــــــــــــــــــــــــــ
سبتني وبعدت ليه
ــــــــــــــــــــــــــــــــــــــــ
. شــاعر الأحــــــــزان
ــــــــــــــــــــــــــــــــــــــ
سامـــــح السبــــكي
ـــــــــــــــــــــــــــــــــــــــ
24/12/2021
ليست هناك تعليقات:
إرسال تعليق