قاضى الغرام
يرضيك ياقاضى
قبل ماتحاكمنى
اسمع منى..وكلمنى..وراعى سنى
واسال عنى
دة انا طول العمر ...ممدوح
انا كنت فاكر نفسى
قيس حبيب ليلى
طلعت انا...المجروح
ودموعى على الخدود سايلة
مكوى بسوطى
وصوتى انا...مبحوح
ولا حاجب حجب حقيقة
والحقيقة طلعت انا ..المدبوح
يرضيك ياقاضى
ضاع العمر على... الفاضى
حزين على اللى راح
وخايف من اللى جاى
وزعلان على حب
بقى...ماضى
وعايش زى اللى عايشين
مش عارف
صادى من...ضادى
يرضيك ياقاضى
من كتر همى..زاد غمى
وحجر عليا ابنى
وهجرنى خالى...وعمى
وقالوا دة كبر...وخرف
وعقلة تاة وهيزور...ويحرف
نحجر علية قبل
ما فى مالة...يتصرف
يرضيك ياقاضى
نفسى اقول واحكى واصرخ
ب اعلى ...صوتى
تصدق ياقاضى
اللى ضاع العمر عليهم
دة الوقت بيتمنوا...موتى
واتحرمت ياقاضى
من مالى ومن ...غيطى
تصدقنى ياقاضى
اصبحت انا الغريب
جوة...بيتى
يرضيك ياقاضى
مين ياقاضى
قلبة يحن ويطبطب...عليا
بعد ما شاب الشباب
وراح نور...عينيا
هى دى النهاية ياقاضى
مالقاش حد ياخد ...ب اديا
يرضيك ياقاضى
يرضيك ياقاضى...كدة
الزمن يبعد بينى
وبين حبايبى با الشكل...دة
وكل ما اقرب منهم يبعدوا
والاقيها فى وشى...متسددة
يرضبك ياقاضى
اية اللى جرى
فى الدنيا...ياقاضى
دة انا طول عمرى
احايل...وادادى
ياصبر ايوب..والله انا صابر
وبحكم ربنا...راضى
يرضيك ياقاضى
بعد ماهجروا الاحباب
وبعدوا الاصحاب
وشاب الشباب..وطال الغياب
با الله عليك قولى
اشكى مين ولا مين..ولمين
ولا ااقاضى يا جناب...القاضى
احكم ياقاضى
ضاع العمر..ومرت السنين
وهجرت القلوب
الرحمة..والحب..والحنين
ونهاية المطاف
اخر محطة ليا
فى الدنيا ياقاضى
الاقى نفسى
فى دار...المسنين
احكم ياقاضى..احكم ياقاضى
بقلمى
ليست هناك تعليقات:
إرسال تعليق