التقة
كتابي نسيتو وهجرتو
وخليتو فصفحةالتقة
كلام غريب قريتو
ما عندو بها علاقة
علاش زعما الكتاب يكذب
ولا أنا ما فهمت
حيت كنزرب
تق ودير النية وبات مع الحية
ومول النية يغلب
ولا ما تأمن ما تق فحد
راه الحبل فزمانا ولى يعض
ما عرفت شنو نصدق
وشمن باب نطرق
مهم اليوم طليت على كتابي
لقيتو عامر غبرة
نابتة فيه وردة وزهرة
فيهم ريحة أهلي وحبابي
ناس قراب ليا وصحابي
خلاوني نبدل الفكرة.
خديجة باحو
ليست هناك تعليقات:
إرسال تعليق