صراع الخير والشر
في زحمة الحياة بنحاول نعيش وننسي اوجاعها
الدمعة الحزينة بتسرق الفرحة بتحاول تضيعها
ضحكة الايام الحلوة لوغابت عنا مين يرجعها
ويسكن الحزن جوانا والوجع يزيد لما نرجعها
العين تتملي دموع الالم يزيد تاني في مدامعها
صراع الخيروالشروتحلي الدنيا في صراعها
ومهما الحروب اشتدت ادينا بنتحمل اوجاعها
لحد ماتيجي لحظة نهاية يحرم علينا مخدعها
وقلوب هتبقي سعيدة فرحانة والجنة تجمعها
صنعت الخير واتحملت تعب الدنيا ودموعها
رضيت تعيش بالحلال رفضت الدنيا ومتعها
وقالت كفاية رضي ربنا تركت كل مطامعها
عرفت طريق السعادة ونسبت كل اوجاعها
الشاعر مدحت فضل
ليست هناك تعليقات:
إرسال تعليق