==== فجأة بحبك ====
فجأة لاقتيني بحبك أنت
معرفشي أنت عملت إيه
سحرك دا ولا خيال ....
وللا الجمال اللي ....
شفته فيك ....
كنت ماشي ف حالي وحدي
جتني أنت طب جتني ليه
شغلت بالي غيرت حالي
ياريته حالي يصعب عليك
سكنت قلبي ومليته بهواك
وفكري سارح ديما معاك
قول لي كان إيه رماك
لما تاخدني بسحر عنيك
سفرت فيهم بعيد لهناك
لاقيتهم بحر بدنيا معاك
طب أعمل إيه ف اللي
أسمه هواك .....
وبقيت وحدك ليا شريك
أما إن كان على بكره أطمن
جوه عيوني وبروحي أفديك
وتفضل طول العمر معايا
تبقى هنايا تبقى منايا
وأعيش عمري علشان أرضيك
بقلمي
صلاح شعبان الفيداوي
القاهرة
٣/١٢/٢٠٢٢
ليست هناك تعليقات:
إرسال تعليق