الشعر بين البارح واليوم.
كان يا ما كان
كان الكلام بالميزان
شعر بالقافية والمعان
شعر البحور والشطآن
كان الحبيب يكتب للحبيب
والشاعر ما تحسو غريب
معنى ساهل وشرحو صعيب
باش تفهمو خاصك تكون لبيب
بالشعر كان العدو يسب العدو
والعبد كان يمدح سيدو
ويكتب كل ما فجهدو
القوافي يتفتحو ويتسدو
بالشعر كانو يتجمعو القبايل
شعر يخلي العقل يتمايل
كلام عالي ما تحسبو ساهل
كلام يقولو العالم والجاهل
بالشعر كانو يتجذبو البنات
ملي تسمع منو بعض الكلمات
وتسمع الشعر بأم اللغات
اللغة العربية بالذات
اما اليوم ما بقاش كيف كان
ما بقاو يهتمو به مزيان
ولاو ناسو قلال
من النسا او من الرجال
ما بقاو ناس يقراو كتوب
وقتهم عامر ومحسوب
كلشي بالتلفون مبلي
كل واحد فيهم مجلي
الشعر زوين به اهتم
قرا كتب كلمات وتعلم
تمعن فيه مزيان وفهم
وعطيه قيمة ما تندم.
كلمات :خديجة باحو
ليست هناك تعليقات:
إرسال تعليق