مش هسمح لك تانى يا قلبى....
تزود بطيبتك جراحى.....
بخيبتك الكبيره تلبى...سهران اكتر ما صاحى.......
اقسى واعند شويه...وارسى واقفل
حنفية الحنيه.... وخلى دقاتك عاديه...
متبقاش كده على طول..ملوخيه..
وتاعبنى إف مسائى وصباحى......
مش هسمح لك تانى يا قلبى...
تزود بطيبتك جراحى......
خفف حرارة دفاك....ووظف على بابك جفاك....واثبت واهدى... وبلاش معانده..
تقولشى وجعى..وصفوهولك دواك...
ممشينى تملى وراك...وترجعنى بألمى ونواحى.......مش هسمح لك تانى يا قلبى..
تزود بطيبتك جراحى......
اسجن يا قلبى حنينك...وصفى محبينك...
ودارى رغبتك...وادفن اشواقك ولهفتك..
مليت من طول صبرى....
ودفا حنينك...زود أنينك...وهيج نار شوقى
فى ليلى وسهرى....ولا بتهدى رياحى.....
مش هسمح لك تانى يا قلبى....
تزود بطيبتك جراحى.....
حاول تخلى...حسك تقيل....
وبلاش تملى.. أمور العاشقين...
صايم وتروى العطشانين ....
وتسهرنى...وتشوقنى...وتعذبنى...
وترجعنى بجرح وويل....بيجننى سهد الليل
. وإحساسى بأنى ذليل... وكمان مكسور جناحى.......مش هسمح لك تانى يا قلبى...
تزود بطيبتك جراحى........
عيبك يا قلبى.. إنك رهيف.....
وياريتك تعرف تخبى....
وعامل لى أبو العريف...ونسمة صيف...
ومن يدوب نظره...يركبك الخفيف...
وتغصبنى استسلم...وكمان أسلم سلاحى...
مش هسمح لك تانى يا قلبى....
تزود بطيبتك جراحى.....بخيبتك الكبيره تلبى.....وسهران اكتر ما صاحى......
بقلم وحس...عدلى جعران عبدالرحيم
شاعر الشوق.....
ليست هناك تعليقات:
إرسال تعليق