قصيدة : خفة الرجل
كلمات:خديجة باحو
خفة الرجل كتدرهالي
ملي كنمشي بلا تخمام
عنداكو تديرو بحالي
كنقرر فدقيقة وندم عام.
رجلي زاغت بيا
وعقلي مشالي
يا ربي حن عليا
وحققلي لي فبالي
وما تخلي قدامي
الضباب ولا الظلام
نجيني من خفة الرجل
من الزعامة الخاوية والزربة
وخليني فقراري نتمهل
ونكون رايسة السربة
نركب حصاني ونخيل
نتحكم فالخطوة والضربة
ونشد المكحلةو اللجام.
خفة الرجل ما تنفع
فكر قبل ألف مرة
قل لا وألف لا وتشجع
بعد عليك المضرة
ودير غير لي ينفع
والهم لوحو برا
فكر لطول الحال والدوام.
سأل المجرب لا تسأل طبيب
راه فالتأني السلامة
كن عاقل فالخطوة ولبيب
وحافظ عالابتسامة.
ليست هناك تعليقات:
إرسال تعليق