(مجرد سؤال)كلمات/صبري حسين
سؤال
مجرد سؤال
من انسان غلبان
لكل اللي بيتكلموا عن المرأة
اللي رافعين رايات الدفاع عن حقوقها
اللي عايزين يرجعه لها إنسنايتها
ويحافظوا علي كرامتها
عايزين ايه بالظبط
هي الحرية في عدم نظافة البيت
ولا في عدم إرضاع الاطفال البنين والبنات
ولا في عدم اعداد الطعام
بالذمة ده اسمه كلام
طول عمر الست بتأدي واجبها بحب
ستات كتيرة قايمة بدور الام والأب
كفاية تسخين
ابعدوا عن طريق الشيطان
التزموا طريق الرحمن
ربنا ذكر. الرضاعة في القران
ياجماعة كفاية جنان
المرأة عارفه واجبها من زمان
بلاش دعواي الباطل
عمرنا ما سمعنا كلامكم في اي محفل من المحافل
المرأة مهما اعتلت من المناصب
هي في الأساس أم
في حضنها الكل يتلم
ارجوكم اعقلوا الكلام
انتم يتكلموا بشر مش انعام
ياجماعة كلامكم كله عيب
ازاي عايزين كل وظيفة تقوم بها الزوجة
تاخد عليها أجرة
أجرة رضاعة
أجرة نظافة
أجرة لتربية الاولاد
مش عايزين كمان أجرة لقفل وفتح الباب
وأجرة تانية للانجاب
ده ناقص تحددوا سعر لكل حمل
حسب نوع الجنين
ده كلام ناس عاقلين
ارحمنا يا ارحم الراحمين
مفروض انتوا ترفضوا هذا الكلام
فين العزة والكرامة
فين المودة والرحمة
يا جماعة انتم بتتكلموا عن زوجة
مش عاملة بالأجرة
لا مواخذة الست في بيتها مش خدامة
مع كامل احترامي للخدامة
الزوجة في بيتها هي الملكة
هي المتصرف في كل صغيرة وكبيرة
ارجوكم بلاش لعب علي المشاعر
اللي له اول لازم يكون له أخر
كفاية شغل المباخر
مش عايزين البيوت تنهار
ويتشرد الصغار والكبار
ارجوكم بلاش لعب بالنار
حقوق المرأة مصانة
الكل عارف مكانتها
ومقدر مجهودها
رب العزة سبحانه كرمها
الصادق الأمين أوصانا بها
يا عاشقين وسائل الإعلام
بلاش كلام بالضلال
لو مش قادرين تبعدوا عن الكاميرات
وادمنتم الميكروفونات
كل اللي هممكم الترندات
كفاية تصريحات
شوفوا حاجة بعيدة عن الكلام عن الستات الفضليات
خلوا البيوت عايشة في تبات ونبات
عندكم كتير من المشكلات
تعملوا عنها ألأف الحلقات
اللي تحقق ملايين من اليورو والدولارت
ياريت تندموا علي كل
اللي فات
بأذن الله هتفضل بيوتنا مصانة
دايما بالدفء والحب مليانة
ربنا يحفظ كل البيوت
من خرابين البيوت العمرانة
أصحاب داعوي الفتنة والوقيعة
مروجين الفتاوي الفاسدة
البعيدة كل البعد عن الدين
يارب ارحمنا منهم اجمعين
واحفظ بيوتنا من الانس والشياطين
ليست هناك تعليقات:
إرسال تعليق