بكير فاقوا الزنابق
يتركوا على الوردات
معزومين عند الياسمين
بقيولي
قالت الياسمينه
اهلا و سهلا
باخوتي مع الخيات
انا ياسمين الشام
انا بسوريا العز
نبتت اصولي
زرعتني اهل الشام
على منازلهم والشرفات
نجمات بيضا باجمل
عطر مجبولي
تزهزه السهرات وعطر
الحفلات
الحساسين تدغدغ
ازهاري
يرقصوا حولي يغنولي
عن قاسيون الشام
لما تذوب هالثلجات
ونشرب الماء مثل
زلال العين معمولي
و عضفاف بردى
تحلو لنا السهرات
بخيمي جميله عن
عيون الناس معزولي
نطبخ ونقلي
اطيب الاكلات
ومشاوي وسلطه
وتبولي
ونقطع فواكي
ونقشر الموزات
و اجرينا بقلب
النهر مبلوله
نعقد ايدينا باجمل
الدبكات
ونغني اغاني كثير
منحبها وللكل مقبولي
و نرقص مع الطبله
اجمل الرقصات
رقصات حلوه
ورقصات مهبولي
.................
الشاعر
سعيد الحكيم
ليست هناك تعليقات:
إرسال تعليق