تعجبت لشي ناس. /هادو ناس /
يغطيو الشمس بالغربال
كلشي واضح ؤباين
وقلبو عليك الكسكاس
يخرجو العيب من ودنين المجمار
لفهامة فيهوم قنطار
يفصلوا توبك فبلاصتك
يحساب ليهوم راسهم
من عندهم لفهامة تفرقات
يغطيو الشمس بالغربال
كالو للعيب گلس
ما تتعرف والوا
نوريوك طريق الشيطان
راه معانا مصاحب
تيعجبو يصيد
فالما الصافي
باش يعكرو
يغطي على عيوب
سحابلو يشغل الناس
باش ما يقولو
يابنادم يا كحل الراس
ربي خلق ؤفرق
واش مخك تفكر بيه لغيرك
دخل جواك خلي كلها
يعوم بحرو قاد بيه
ولا ما كان دخلو
كلامك بقى بصمة
فجبينك مرسومة
كل ما قلتي من عندي
كتفرق
ؤقف كلامك حجة
لا تقول شي حاجة
انت ما وصلتي ديرها
لا تحاول تغطي الشمس
بالغربال
يعميك ضيها وكلشي
واضح للعين
لي كيتكبر كيموت بالضعف
وشحال من ناس عاشو فقصور
وتلاو فمجاري
اش حالك يالي عشت عيشت
الدربالة
ونسيتي اصلك
الناس تحمد الله
وانت بقيتي بلا خوتك
عايش مسك عليك الله
بلا ناسك وحبابك مايكون ليك
راجع نفسك قبل ما لحفيرة ضمك
يا ويلك ملي تفيق تلقى راسك
فيها بوحدك
ما بقى ليك جهد باش تغوت
اليوم الله يفصل ففعالك
رد بالك لا تغطي الشمس بالغربال
عند الله انهار واضح وباين
وحكم الله عليك يصدر
كلها وحالو وحوال الناس شلا
اش داك حكمت الله شاء
انت ليه تعاند
رضى بحكمو غدا لما تلقاه
لا انت حسن ناس ولا عندك
الشيطان يخيل ليك
غدا ينكرك تبقى بوحدك
خيط بلبيض غدا يشفع ليك
لاا نت حسن من هدا
ياك حنا خوت
ليست هناك تعليقات:
إرسال تعليق