( هو ده الكلام)كلمات/صبري حسين
البنت حبت الولد
والولد عشق الصبية
خده علي بعض عهد
مهما يحصل يكونوا لبعض
الولد كان أد العهد
وراح يوفي بالوعد
خبط علي الباب
استقبله الكل بترحاب
الولد اتكلم بكل حب
بنتكم هي لي الروح والقلب
هي لي كل السعادة
الفرحة هي
هي كل الحياة
انا جيت من الباب
بتمني الاغراب يبقوا احباب
ونكون لبعض نسايب
بص ابو الصبية
قال يا ابني كلامك حلو وجميل
لكن لازم نتبع الأصول
لازم تكون تقدر توفي بالمطلوب
كلامي صحيح ولا معيوب
قال الولد بصوت كله حب
اطلب يا عمي
إن شاء الله طلبك كله مجاب
قال أبو الصبية
ابنتي دي جوهرة
لازم تفضل مصانة
عمرها ما عرفت مهانة
فاهم يا ابن الاصول
اللي أوله شرط أخره نور
يا عمي الغالي
بنتك دي حياتي
مكانها جوة عيوني
دايما تاج علي راسي
افديها دايما بروحي
كرامتها من كرامتي
اوعدك وشاهد علي ربي
ده عهد واخده علي نفسي
أعمالها معاملة الاسلام
اكون معاها لين الكلام
حلو اللسان
أرويها من الحنان
عمري ما أذوقها. الهوان
أنعمها بالأمان
هي لي السكن
لا هي الوطن
ياعمي اطمئن
هفضل علي حبها باقي
لاخر ثانية من حياتي
بها اكتفي
وعمري منها ما أكتفي
ده وعد يا عمي
والشاهد علي. ربي
يا ابني حلاوة لسانك
وسحر بيانك
قفل كل أبواب الكلام
اقولك من كل قلبي
مبروك عليك بنتي
الله يبارك فيك يا عمي
لكن يا عمي اسمح لي
احنا ما اتكلمنا في باقي المسائل
في تجهيز الشقة
مطلوب مني ايه
وانتم عليكم ايه
ابتسم عمي
ابتسامة عريضة
قال يا ابني
انت بتتكلم في ايه
هات اللي تقدر عليه
دي حياتك وانت حر فيها
انا راضي لو هتجيب حصيرة
انا بختار اللي يصون عرضي
اللي يحافظ علي كرامتي
اهم حاجة في الجواز
نختار اللي يخاف الله
اللي في كل تصرفاته بيتقاه
اللي يخاف الله
مفيش خوف منه
لانه هيرضي لبنتي اللي يرضاه لنفسه
عمره ما هيجور عليها
ايه فائدة كتر الأساس
في بيت ماله أساس
انا بختار لابنتي. رجل
طالع من بيت اصول
رجل يعرف معني الرجولة
يقدر الكرامة
رجل كله شهامة
يعرف قيمة الكلمة
يا ابني دي حياتكم
ربنا يوفقكم ويسعدكم
كل المطلوب منك يا ابني
تفضل محافظ علي العهد
اخيرا عايز اقولك كلمة
اللي يؤتمن علي العرض
يؤتمن علي كل كنوز الارض
الله يسعدك يا عمي
كلامك فرح قلبي
ربنا شاهد علي
أحافظ علي بنتك جوة عيوني
فرحها كل همي
بطمنك يا عمي
بنتك أمانة في عنقي
الي أن ألقي ربي
ابتسم ابتسامة رضا
قال هو ده الكلام
عيشوا يا ابني حياتكم في وئام
تحلق فوقكم طيور الغرام
يحفظكم يا ابني من لايغفل ولا ينام
ليست هناك تعليقات:
إرسال تعليق