زجلية مغربية تحت عنوان :
قيس***
مسكين هو قيس
قتلاتو لغدايد ؤلفقايس
ؤتصاحب مع بوهالي
ذاك الذباح السلاخ
كلب العصابة النباح
زعيم الجردان في الثلث الخالي
قيس بلا تفكير طاحو ريوقو
ظلم هلو طاغية باش ثبت عروقو
شتت لحباب ؤزادهم لالا ؤ مالي
قيس المسكين
الفصحى ولا ملة ولا دين
زور الذكر ؤ دنس نور الحق العالي
فيا قيس
ليلى لي حبيتي غارقة في الغيس
اختار لعداوة بل قل عاجبو حالي
هديه هديه ؤسير ؤ خليه
لقمة ل تجي منو يلاه تكفيه
قلب الفيستة ؤ شعلها بالعلالي
فيا قيس راه ليلى مسحورة
هلها جمعوا العرافة ؤ بو هيدورة
داروا الشوهة لهيه فافهم مرسالي
ايا صاحبي اش ذاك
تدير يدك في لعصيدة ؤ عارفها حرقاك
طفيلي صاندلستان ؤذياب الخوالي
لَهِي ؤ تْلَهى فالوقت محسوب
خواتي تما فايقين ي لمزغوب
دينهم محبة وسلام ووقار للأهالي
مسكين قيس
طاح هو ؤ ليلى في الغيس
شهدوا بجوج الزور، ؤ زعجوا بالي
*** الزجال والشاعر: أحمد الكندودي*** المغرب***
ليست هناك تعليقات:
إرسال تعليق