الصحاب
ياصاحبى قبل ماتصاحب
دور على صاحب يكون يمين صح
صاحب صاحبة
يتصاحب
فى الهجرة اختار الحبيب
راجل من اغلى الرجال
صاحب
ونام فى فرشة
راجل من اطهر الرجال راجل
يتصاحب
صادق و صديق و مصدوق
حروف من نور لاسم راجل صح
يتصاحب
كلمة حروفها من نور
صاحب ضل فى حرك
راجل حلو فى مرك
كلامة يفرحك و يسرك
وينور ضلمة حياتك
هى دى الكلمة اللى صاحبها
يتصاحب
مين فينا ماقابلش فى سكتة و دنيتة
هموم واحزان و اهوال
كلامة و نصيحتة وقت الشدة
زى الوتد صعب من الارض ينشال
يابختك ياحظك ياسعدك
يااللى تلاقى فى الدنيا دى ناصح
يبقى ليك
صاحب
دة الخل و الخال و الخليل
لا يهرب منك و لايتخلى عنك
وللحق دائما يميل
هو دة
الصاحب
و الصاحب الندل لا علية لوم ولاعتاب
فى لحظة منك يهرب
زى فص ملح وداب
حضر او غاب
عمرة ماكان ليك فى يوم من الايام
صاحب
وصاحب خان صاحبة
ولاهمة
باعة و سلمة ب ايدة
وهدر دمة
هو مين خان ادهم غير
صاحب
وصاحب مصلحتة فوق كل اعتبار
لاهمة صاحب ولاصاحبة
واللى بينة و بينك
زى اللى بين القط و الفار
اوعى يابنى دة يكون ليك
فى يوم من الايام
صاحب
وصاحب باع صاحبة
وقبض ثمنة
لاهمة جيرة ولاعشرة ولانصفة
يابنى ادعى وقول
يارب..يارب..يارب
ارزقنى بصاحب
يكون صاحب يمين صح
صاحب صاحبة
يتصاحب
بقلمى
ليست هناك تعليقات:
إرسال تعليق