اشكوى لله العالي. / حتى لاين/
يبدل الحال
صيفنا ما تعرفو شتا او خريف
والربيع عليه لا تسول
كنا نصيفو ف الصيف
دابا الزرع ادخل لخوابي
تبدل ازمان ومواليه
ماتلينا عارفين فين
غادي
ما بقات حلاوة ف العيش
كلها يعيط اراسي
الى ترجيتي الله
يضحكوا عليك
لغلى ولكواوي
الناس تعاني
تبيع الزينة ديال الدار
باش تشري حولي
كان ازمان لخليفة
فأرض الله يقول
انا نعيد على امتي
كان يحفظ ما/ء/ لوجه
لي ما عندو باش يشري
ليوم ها كرونة الناس حزينة
ها ليصانص والمازوط
جري ياما تجري
انت لوول وانا وراك
ايامنا كلها اعياد
زيد عليها المخفي
الله اربي ليك الشكوى
تقاد حتى تشبع تلقى
تابعك لكريدي
تقول تهنيتي من العيد
اجيك الدخول المدرسي
اما الصيف شي ف مرينا سمير
شي حيدو ليه لخيمة
كتشوه لمنظر ما كدخل ليهوم
الدراهم هذا ما گالو هما
باقي غير لهوا/ ء / ما باعوه
گالو الناس للحيوان دايرة
قيمة، مسكناه، موكلاه
حتى من حق التطبيب
عاطياه
حنا ما لحقنا ديك القيمة
كلابنا مجروبين وحنا داربنا
لخلا
كنبردوها بالصبر والجنة والنار
ما عارفين شكون ليها داخل
ليست هناك تعليقات:
إرسال تعليق