لما هاجر نبينا.. صل الله عليه وسلم..
لما هاجر نبينا
فتح الطريق لينا
ماهو دا هادينا
وشافعنا يوم الدين
مادد ايديه لينا
وللجنة يودينا
وبأديه بيروينا
كلنا كلنا اجمعين
حبيبي يا محمد
وعند إلالاه أحمد
وفي السما محمود
ياخاتم النيين
خلقك إلاه معبود
في يوم جميل مشهود
فيه رحمة للوجود
اشفع لينا أجمعين
قوموا نصلي عليه
دي صلاتنا بتعرض عليه
توصل علي طول إليه
من رب العالميين
ردوا معايا نسمّعه
ونقوله كلمه تسعده
ونسعد احنا بيه
قولوا يا مسلمين
صلي الله عليك
حبيبنا ونبوس ايديك
وبحياتنا نفديك
محمد يانور العين
عادل عقل مصر الإسماعيلية في يوم 10/8/2018
عضو اتحاد كتاب مصر
من ديوان ابتهالات الجزء الرابع
ليست هناك تعليقات:
إرسال تعليق