لو اجتمعوا الحريم
لو اجتمعوا الحريم
بيقطعوا
في فروة الراجل
أصل الخيانة راجل
أصل الندالة راجل
أصل الألم والقرف
من منشأه راجل
ياخايبة ياهبلة
يامأمنة للراجل
بصي على الفيس
واعرفي مع مين
بيتعامل
وشوفي محموله مع
مين بيتواصل
رأسك برأسه يابت
والهطلة تتنازل
كلمة بكلمة يابت
والهبلة تتساهل
خلي النكد وجبة
دايمه
راجل ويستاهل
ويوم فرح بنتها
فرحانة ومزغردة
ترقص وتتمايل
يافرحها وسعدها
بابن الأصوال عادل
ابن الأصول المؤدب
كامل ومتكامل
ياخالتي
نفسي أسألك سؤال
عادل ده ملاك
ولا عادل راجل
عجبي
الشاعر /عبد المنعم حمدي رضوان
ليست هناك تعليقات:
إرسال تعليق