** هذه القصيدة قرأت في لقاء طولكرم**
***** ((( فلسطين )))*****
جينا من فلسطين لفلسطين
تنشوف بالحفلة اقاربنا
شُفنا العَلَم وكثير مشتاقين
يوم النصر بِترِف رايتنا
بترحبوا فينا وممنونين
السلم ديماً كان غايتنا
لكن شعبنا بعنف ما بِلين
الام الجليلة هيك رَبتنا
نحيي اهلنا اليوم ونحيي السجين
لا بُد إنه نفك كَربتنا
وبطولكرم الروح للغالين
والمنطقة تشهَد بَسالتنا
نحنا وإنتوا العين جنب العين
لا نعترف بحدود تِبعِدنا
جينا تنِتعَرَف على الحلوين
ونشد عا إيدك يا أمتنا
نحنا شعب بالفعل مِتحدين
المشكلة هي بقيادتنا
نحنا شعب من زهرة الياسمين
العطر عم يفوح من عنا
نحنا شعب بالفعل جَبارين
والروح فينا صعب تتركنا
نحنا حاربنا في جبل حطين
والنصر كل الوقت حالفنا
ونحنا حاربنا مع صلاح الدين
والهيبة مرفوعة بموطنا
نحنا شعب عالنصر متفقين
حرية بدنا بقلب عيشتنا
من وين إجانا الصبر من وين
السجن عم يلم نُخبتنا
أبطال عنا أسود في قلب العرين
ما نخاف من محتل يسجنا
طولكرم شعبي صابر من سنين
حرية للاخوان مطلبنا
بحيي القدس مع نابلس معها جنين
بالدم عم نكتب بطولتنا
بحيي الخليل القاتلت فيها الحنين
وغزة البطولة رمز عِزتنا
نحنا التقينا بحب متلاقين
حتى نعزز دوم كلمتنا
جينا نصارى دروز جينا مسلمين
جينا الى مسقط عروبتنا
بظل شعبي تاج مرفوع الجبين
والوحدة هي اصل قوتنا
ليست هناك تعليقات:
إرسال تعليق