رحلة الحياة
الحياة بدأت بصرخه
اول خطوة قلت اه
بعدها جت احلى فرحه
يوم وجودى فى الحياة .............
لو لامى او ابويا
او لاختى او اخويا
كل واحد منهم واقف
والسعادة مش سيعاه .................
يوم بيوم بدأت اكبر
يوم بيوم بعرف كتير
ياترى اللى جاى افضل
ولا ويل والم كبير ....................
شويه وعدوا كام سنة
بس انا زى ما انا
واقف مكانى بنتظر
فرح كبير مش عكننه ..................
فضلت متأمل شويه
نظرة للى جاى بكرة
ولاتبقى هيا هيا
ونعيش نفتكرها ذكرى ....................
اعيش عليها اللى جاى
ولا انا مش هبقى حى
ولا من الهموم رح اتعب
ولا بكرة مالوهش زى ....................
مره قاعد جوه بيتى
قمت فاتح الشباك
وبعينى بصيت بعيد
شئ جميل جاى هناك .......................
هو ده الامل اللى انا
كنت مستنيه هنا
هو ده بكرة الجميل
نحصد سعادة سنه بسنه ....................
اه يابكرة كنت فين
عشت مستنيك سنين
كنت واحشنى كتير
كان واخدنى ليك حنين .......................
وركبت انا قطر الحياة
لجل ماوصل للامل
نزلت فى المكان اياه
قولت ادور على عمل .........................
اكل منه واشيل مصروف
واعمل حساب الظروف
اعمل انا حساب لنفسى
واحط النقط عالحروف .......................
والعمر عدى وانا فى مكانى
لسه انا من غير رصيد
بس لو ارجع ثوانى
للحياة اللى كانت عيد ........................
الحياة بدأت تضيق
عليا والمشوار طويل
لسه انا فى اول طريق
لسه معرفتش صديق ........................
فضلت اعافر وحدى فيها
فضلت صامد ماتهزمت
كل ارض مشيت عليها
كنت فى حالى والتزمت .....................
قربت على اخر الطريق
والحياة عمال تضيق
والايام هيا هيا
مش لاقي كلمه تبل ريق............................
خلاص وصلت للنهايه
خلاص وصلت للمحطه
هانزل مش هاشوف ورايا
واللى فات ده تحته شرطه .....................
بجد الماضى ده الحياة
رحلة الحياة
ليست هناك تعليقات:
إرسال تعليق