الموت قرار (422)
...............
دموعنا دي دموع خداع
ولا حقيقه ..
متأثرين ببحور نفاق وأحاسيس بريئه
شايفين وشاهدين
ع اللي موت
واللي باع ونيجي نبصم
دول ملايكه مثالها ضاع
نظرات وشوش
ليها العجب
بتقول حزينه
لكن قلوبها إتغيرت
عكس الحقيقه
طب كنتوا فين لما الحروب أفنت مدينه
والجوع بيحصد
كل يوم أرواح بريئه
البرد جمد نبض ناس
أحاسيسها ماتت
من خوفها كتمت في الوجع وريحتها فاحت
وكراسي هزت عرشها
إن قالوا ماتت
ولأجل لقطه الأنا
بوشوشها بانت ..
قوم عد وإحسب
كام ألوف
ريان فضحها
وياما غيره فيه كثير
مدفون جراحها
ومهما تصرخ قوللي مين
سامع نواحها ..
لك يوم يا ظالم هيناديك
توافيك حسابها ..
ريان وغيره فيه كثير
إسمع وشوف
وكل يوم بيتولد
ألوف تموت
قلوب ولاجمها التراب
دي فيها خير
وإحنا اللي شوفنا ما قولنا لأ .. ولا صمت بير
دم اللي راح واللي جاي
في رقابنا ثار
ومهما هتصرخ يا برئ
موتك قرار ..
ولا سن قلمه هيتكسر
بان نصره عار
ليست هناك تعليقات:
إرسال تعليق