(بطمنك)كلمات/صبري حسين
إنت فاكرة
يتجاهلك لكلامي
وصدك وبعدك عني
إن ده ممكن يغير فكري
ويتحول عن حبك قلبي
يبقي مش عارفة إنت ايه عندي
حبك ما كان بيدي
ولا كان في يوم اختياري
من غير أذن حبك خطفني
سيطرتي علي كل مشاعري
قوليلي اعمل ايه في قلبي
قلبي اللي حبك
وهو عارف انك مشغولة بغيري
وعمر طيرك ماكان مع طيري
كان متأكد انك عايشه معاه هو
فكرك وعقلك له هو
قلبك بينبض له لوحده
هو مالي كل حياتك
بتحبيه اكتر من حبك لذاتك
هو قمر ليلك
فجر ايامك
عارف ومتأكد من اخلاصك له
يا ما قلت لقلبي
مهما تعمل مش هتحس بك
قلبها عمره ماهيدق لقلبك
علي كلامي
كان بيضحك قلبي
باعلي صوته يصرخ في وشي
كل اللي يشغلني سعادتها
اهم حاجة اشوف الضحكة
مرسومة علي وشها
الفرحة ساكنة قلبها
مش عايز اشوفها
من السعادة محرومة
متفهم ومقدر مشاعرها
لاني عارف ان الحب لابيدي ولا يدها
انا بحبها
وهي بتحب غيري
لاذنبي ولاذنبها
رغم بعدها وصدها
عمر قلبي عن حبها مايتحول
انا بحبها اكتر من الاول
سعادتي وفرحتي
لما اشوفها سعيدة
مستمتعة بكل دقيقة
بحبها ودي هي الحقيقة
مين قال إنها عني بعيدة
دي اقرب لي من نفسي
حبها ببحري مع دمي
تجاهلي كلامي
ابعدي عني
صدقيني
انت نبض قلبي
مالكة لكل جوراحي
مهما تعملي
تتكلمي ولا تصمتي
عن حبك عمري ما اتحول
مع كل ثانية حبي بيزيد اكتر من الاول
عايز اطمنك
بعدك
صدك
تجاهلك
انا فاهم قصدك
عارف انك خايفة علي
مش عايزة تصدميني
وفي الخيال تعيشيني
خايفة تظلمني
اسمعيني
ياليتك تفهميني
انا راضي باي حاجة منك
عمري ما أبعد عنك
دايما واقف جنبك
عمري ما انخلي عنك
في سبيل سعاتك
مستعد بعمري أضحي
وانا سعيد وراضي
عمري ما اهتم بحالي
صدقيني
انت فرحة عمري
بحبك من كل قلبي
بحبك وراضي بنصيبي
بقولك واكرر
زي ما بحترم مشاعرك
ومقدر حبك لحبيبك
ارجوك احترمي مشاعري
خليني أتهني بحبك
احلم بقربك
يمكن يجي اليوم
ويتحقق حلمي
وقلبك يرضي علي قلبي
ويفتح أبوابه لحبي
كل امل في ربي
انه يحقق حلمي
واعيش معاك قصة حبي
ليست هناك تعليقات:
إرسال تعليق