زجلية تحت عنوان :
ل راح راح***
ل رح راح
م يردو شهيق الرعدة
ولا عوافي لقلوب و الصهدة
ف ظلام شعشع ؤ طاح
غير لعقلية مسح الدونية
لحيوط والباطل غ رمزية
ذياب حاضية محضية
ؤ لبذرة لفاسدة م تسوى م تصلاح
لوحها وراك ؤزيد
م تقول خسرت واستفيد
اتخذ الامل صهوة وجناح
نسى الماضي ، ف حيا بالبوح
ؤ النكار م زاد لقلب الا سقام ؤقيوح
بل دار يدو ف ودنو ؤ عطاها لنباح
ؤ ل خرج من زمانك خرجو
سايس تلقى دواه ؤتسرجو
ؤقول لو سير الله يسهل يا صاح
سول لكمرة ونجوم الليل
ؤ اللوح لمحفوظ ؤ ل قيل قيل
ؤ لوح ل لاح
طفا بغباه نوارة لمحبة
بدل لوفا سلعة م بقات مروة
زايد ناقص بحال لجالس على جمرة
م شبع ؤم قنع ؤداس غصان التآخ
ؤ هاذ المرة يا صاحبي اختار
حضي راسك فالحال بهوت ؤنار
فهذا هو حظك ...
ؤ هكذا بغات لأقدار
تسقيك حسرة و مرارة
يدورو بك قلوب لحديد والجزارة
ؤ تجعل الحارة حلوة ؤلعب لحدية مزاح
فاطلب الله العون و قول
ربي قاد لي زهري انت المأمول
طيبة وصفا ؤلوقر ؤلوفا لمكمول
تداوي هاذ الزهر لعوج النطاح
ؤ ل راح راح
ليست هناك تعليقات:
إرسال تعليق