الله يجازي ابوكي
خواطر أغاني الأسواني
الشريف_أحمدعبدالدايم
الله يجازي ابوكي
طالب مهرك بعد المية خمسين
وامك كمان واخوكي
عاوزين الطاق طاقين
عملوا عليا عصابة
اهلك جاحدين وديابة
أما انا ناسي غلابة
ألبي الطلبات من فين
لما رحت لابوك اتقدم
بقى يلوح بكفه
واللي خلاني انتدم
عليا طلباته ولا خفه
وعلشان ابوك الله اعطاه
العقدة في المنشار خطاه
رغم إنه عارف البير وغطاه
لأعذار ي ولا ملتمسين
وعاوزين سفره ونيش
غير المائة والخمسين ٱلاف
وأنا فقير وماعنديش
وابوكي من والله ما خاف
عليا طالع في العالي
وأنا مسكين جيبي خالي
لا بيساعدني عمي ولا خالي
ولا صاحب ملايين
وامك كمان حسابة
وضعت إيدي على بطني
وعملوا عليا عصابة
قلت إيه اللي جابني وورطني
اروح لمين اشكي واتظلم
موضوع منه موجوع و أتألم
حتى اخوكي اللي ما عارف يتكلم
يته ته في حرف السين
الله يجازي ابوكي
إحياء اغاني الكف الأسواني
ليست هناك تعليقات:
إرسال تعليق