لمين بدي أشكي همي ...بقلم الشاعر حسام علي المصري

 قصيدتي بإلقاء صوتي ودون صدى استوديو بعنوان ( لمين بدّي أشكي همّي )

لمين بدّي أشكي همّي 

وقلو شو اللي عمّا يألمني 

لمين بدّي أشكي همّي 

والكل تخلّو عني 

لمين بدّي أشكي همّي 

لأمّي ما هي زعلانة عليّ أكتر منّي 

لمين بدّي أشكي همّي 

لبّيي اللّي راح وتركني وما حضني بضمّة 

لمين بدّي أشكي همّي 

لوطني المجروح اللي عما يتألّم ويدمي 

لمين بدّي أشكي همّي 

للتّجار الفجّار اللي عما يمصّو بدمّي 

لمين بدّي أشكي هّمي 

للحكّامنا الكفّار ما هنّي سبب همّي وألمي

لمين بدّي أشكي هّمي 

للزمن الغدّار اللي غدر فيي وخلاّني ألّف أشعار

وصير أديب الوعظ والحكمة 

لمين بدّي أشكي هّمي 

للحبيب اللّي قهرني

وعفراقو نزّلي دمعي 

لمين بدّي أشكي همّي 

لخيّي لصديقي لجاري لإبن خالي لإبن عمّي 

وقت اللّي كان ميسور حالي 

كنت أجمعهم وأنبسط باللّمة 

وطعميهم من جنى خيري أطيب لقمّة

ولمّا برم دولابي الكل تخلّو عنّي

وصاروا يقولوا من إيدوا ألله يزيدوا هوّي ما حفظ النّعمة 

لمين بدّي أشكي همّي

وحزني وندمي 

الشّكوى لغير الله مذلّة

هوّي الحنّان وهوّي المنّان وهوّي الشفقة والرّحمة

(ألم وعتاب)

حسام علي المصري