زجلية مغربية تحت عنوان :
***غربل
غربل
فسوق بنادم عاد خالي
ؤ على سلعتو م تعول
جوج وجوه ؤ لالا ؤ مالي
ؤ ف وجه طرارح...
يا لخو لا تسول
غربل
فلحظ صعاب
نسورة ؤ ذياب
شيبة لعاصية في الشر مطول
ل ديرو حبيب يجليك
يخوا ريشك ؤ يرميك
ماتت لقلوب ؤ بنادم ولى مغول
غربل
ؤ دير لبال
م تبين خيط بين لمحال
ؤ ل خفاف ظلو نساه ؤ كمل
ارض الله ارض لخير
ؤ بنادم ختار الحس لفطير
ثعبان ؤ حنش ب جلاجل
غربل ؤ بني كل الافراح
شد ف النقا ؤ لخملة تتلاح
صفي فرخيص م يوعى م يتبدل
غربل
فسوق بنادم عاد خالي
ؤ على سلعتو م تعول
***المغرب***الشاعر والزجال : أحمد الكدودي***
ليست هناك تعليقات:
إرسال تعليق