كل عام ....بقلم الشاعر محمد تريكة تريكة

 كل عام ......

كل عام واحنا فى طاعه 

كل عام واحنا بخير 

والقلوب فيها قناعه 

راضيه بالمقسوم كتير ..................

كل عام والناس سعيدة 

كل عام والكون جميل 

كل عام فى حياة جديدة 

يبقى مافيش مستحيل ..................

كل عام واهلى وحبايبى 

كلهم متجمعين 

كل عام وانت ياصاحبى 

جنبى فرحان مش حزين ...................

كل عام مصر الجميله 

تبقى اجمل فى كل شئ 

كل عام وكل ليله 

نكتشف فيها طريق ........................

كل عام وابويا وامى 

يبقوا دول نور الحياة 

هما دول روحى ودمى 

باركلى فيهم يا الله ........................

كل عام واخواتى دايما 

هما فرحى وهما عمرى 

اللى حياتى بيهم دايما 

مليانه فرحه وده من صغرى ..................

كل عام وحبيبي جنبى 

هو ده اللى طلعت بيه 

اللى عايش جوه قلبى 

اللى واهب عمرى ليه ......................

كل عام وانتم بسعادة ورضا من الرحمن 

تحياتى محمد تريكه تريكه