ورد يا هانم
ورد يا بيه
يلا تعالوا
وخدوا بجنيه
ورده مني للحلوين
اموره هي ولايقه عليه
وهو عريس إسم الله عليه
ورده يا هانم
ورده يابيه
انتو الاتنين لايقين على بعض
قمره وأماره يا محلى جمالكم
إسم النبي حارصك ياختي حلوة
واسم الله على عريسنا الزين
ورده يا هانم
ورده يا بيه
خدوا مني ورده واجبروا خاطري
تكمل فرحتكم بدري بدري
ونشوف الحلوة احلى عروسه
ويا عريسنا جوا الكوشه
ورده يا هانم
ورده يا بيه
ورده مني للعشاق
ماتخلى بينهم أي فراق
شوفوا عريسنا يا عيني عليه
ويا عروسته يا نني عنيه
ورده يا هانم
ورده يا بيه
خدوا مني ورده ينوبكوا ثواب
ربي ما يقفل قصادكوا باب
ودايما اشوفكم أعزّ أحباب
ما يقطع بينكم مره جواب
ورده يا هانم
ورده يا بيه
ورده تطفي نار البعد
وتوفي دايما أي وعد
وتقرب اليوم البعيد
اللي جاي كانه عيد
ورده يا هانم
ورده يا بيه
خديله ورده يدوب في جمالك
تلفت نظره يشوف دلالك
يبقى عريسك يبقى حلالك
وتقوليله اللي بيحلالك
ورده يا هانم
ورده يا بيه
ورده تحلي القاعده يا بيه
ورده جميله للست هانم
تتوه أوام في بحور عينيك
وتقول عريسي وروحي فيه
ورده يا هانم
ورده يا بيه
،،،، ،،،،، ،،،،،
ورده يا هانم
ورده يا بيه
،،،،،،
شاعر الأحزان
ليست هناك تعليقات:
إرسال تعليق