قصيدة بعنوان......... ايام زمان.........
ايام زمان
كانت احلى ايام
وإحنا متجمعين
مع بعض سهرانين
بنتفرج على برامج
جميلة وأفلام
موجوده فى التليفزيون
كانت قاعدة تمام
نشوف
فيها عالم البحار
وعالم الحيوان
وماما نجوى
وسينيما الأطفال كمان
وكنا
ناكل ونذاكر ونام
كنا لمة حب وحنان
كنا گ إننا نجوم
فى عقد ملضوم
قبل ماتاخدنا الأيام
من لمه بترسم
ريشة شوق وامان
لقلوب
ضاع منها الأحلام
بين ذكرى ونسيان
بسبب نت واوهام
ضيع
فينا أحلى مكان
فى ليالى عشناها زمان
ورمتنا
فى بحر مليان
حيرة والآم
ملاته دموعنا
على ناس غاليين
اختفوا
خلاص من ايامنا
بعد ماكانوا مليين
علينا ديارنا
راحوا من حياتنا
وبقوا لحن شجن
بتبكى عليهم قلوبنا
بأوتار انغام والم
على ايام
كانت احلى ايام
هى أيام زمان
بقلمـــــى 🖋 الشاعرة جيهان الطنطاوى
ليست هناك تعليقات:
إرسال تعليق