بنات العرب
اولها نقول سلام. ....على كل حبايبنا
ليهم منى احترام .....والشوق مدوبنا
اجمل بنات فى الكون ....طبعا بنات العرب
دى عيونها احلى عيون ....قول فيها اجمل طرب
ياجمالها بنت بلادى .......مصريه بنت اصول
فى الشدة واقفه معاك .....والاوله على طول
فى غيابك صاينه العهد ....ماهى بنت ناس بجد
ولو وقفت بطولها .......تلاقيها اكيد تسد
بنت العراق جميله .......والشعر اسمر طويل
لو شوفتها كل ليله .....رح تسهر طول الليل
العود الله عليه .........زى الغزال ماشاء الله
والخد ده تفاح ..........تشفى اللى عنده عله
وفى تونس الخضرا .....فيها الجمال عنوان
تمشى فى شوارعها .....تلقى البنات الوان
الشقرا والخمرى ......والسمرا دى عمرى
برشا باجمل ناس .....يابلاد القيروان
بنات المغرب سحر .....يسحر قلوب ملايين
فى البر او فى البحر .....فى الحب معلمين
فى الرقه هما الاصل .....ياخدك ليهم الحنين
البنت اصل وفصل .......ودول بنات جامدين
فى فلسطين الحبايب .....اغلى بنات الكون
البنت تقلها دهب .........وانا بيهم مفتون
بناتها دول اسود .......عالحق متعاهدين
بلد الجمال والصفا .....هي فلسطين
ياجزائر الصحراء ......فيكى بنات امراء
طريقهم كله ورود .....وقلوبهم فيها صفاء
الطهر ولا العفة ........ولا الدلال والخفة
ارض الخير والحب ....يابلد اجمل نساء
لبنان بلد الجمال .....العاشق فيها مال
وكمان صدق اللى قال .....بيروت بلد الابطال
فيها الغزال يعيش .......طالعله جناح وريش
لبنان دى غيرها مافيش .....هى بلاد الخيال
هانخش على اليمن .....السحر له ثمن
اللى دخلها اتسجن .....جوه سجن الغرام
ياجمالها ياجمالها ......بنت اليمن دى مالها
سحر وحلاوة هي ......فيها جنات عدن
فى الاردن حاجه تانيه ....بتدوب فى كل ثانيه
ام العيون جريئه .......ولا النظرة البريئه
ولا العود الخيال ......اساتذه فى الجمال
دول جننونى يابا .....وجمالهم حاجه تانيه
مش رح ننسى السودان ....السمار ولا الحنان
البنت حلوة وسمرا .....تسكر اكتر من الخمرة
يابلاد الخير بناتك ......حلوة وعنيهم خضرا
ارض النوبه الجميله .....فيكى الجمال عنوان
تحياتى للجمال العربى الاصيل
ليست هناك تعليقات:
إرسال تعليق