جدو لسه بيربى
الجد شاف أبنه بيضرب
ويعنف طفله الحفيد
قال أصبر براحة على
الواد وبلاش مدت الأيد
مش كل شوية ضرب
وتلطيش وتهديد ووعيد
أحكيلى ممكن أعرف
حصل أيه منه بالتحديد
قال واد شقى ولابد
يتأدب ويتربى من جديد
وشقاوتة زادت عن الحد
والنصح معاه ما يفيد
لازم ولابد من ضربه
الضرب شئ نافع بالتاكيد
قال الجد
الضرب عمره ماكان حل
وبيزيد المشكلة تعقيد
التربية محتاجة صبر
وخبره يوم ورا يوم بتزيد
التربيةعايزه حكمةوطولة
بال وعزيمة حديد
الضرب يا والدى أسلوب
خاطئ وعمره مايفيد
كنت أنت زمان بتتشاقى
وتاعب قلبى وعنيد
تعبت أنا وأمك فى رعايتك
وتربيت من أيد لأيد
أتربيت بتعب و مشقة كانت
يوم عن يوم بتزيد
لما تربيه هتعانى وتتحمل
وتتعلم الصبر اكيد
وتحس بتعبنا أنا وأمك
من غير محكيلك وأزيد
تعرف ازاى أتربيت من أول
ماجيت الدنيا وليد
عشنا نرعاك ونصونك لأجل
تكون فرحان وسعيد
يا أبنى
لو كنت فاكر أنك هتربيهم
تبقى غلطان بالتأكيد
لما تخلص تربيتهم تكون
أتربيت من الأول وجديد
الشاعر/ عبد المنعم حمدى رضوان
ليست هناك تعليقات:
إرسال تعليق