رسالتك ...بقلم الشاعر أيمن شتا

 #رسالتك

#كلمات_ايمن_شتا

. 

فتحت رسالته وقريتها..

بيشكي فيها اوجاعه.. 

ما كانت ذكرى ونسيتها..

 وفاكرة كدبه وخداعه.

جاي من تاني تخدعني..

فكرني هنسي وهسامح.

دانا فكرة دموع عيني..

 كأني عيشة في امبارح.

بقا دلوقتي محتاجلي..

وباعت تشكي اوجاعك. 

هرد عليك.. اسمحلي..

 انا قلبي خلاص باعك.

يا ريت تنساني لو تسمح..

خلاص قلبك ملوش مطرح..

ولا هقبل جراح تاني..

ياريت تسمح.. وتنساني..

رسالتك لسة بقراها..

وانا عارفة اللي جواها.. 

كلام عن حب كان بنا..

 وصورة فيها احلامنا.. 

وعود وكلام.. وأغنية بصوت انغام.. 

انا اسفة معدش كلام..

وعودك ليا حفظها..

ياريت تنساني لو تسمح..

خلاص قلبك ملوش مطرح..

ووعد مني مش هفرح..

ولا هشمت فأوجاعك..

انا قلبي خلاص باعك..

انا قلبي خلاص باعك..

...

ايمن شتا