قصيدة..........
" الحبيب كان شهم جدع "
الحب زمان كان يا أبيض يا أسود.
يعنى ما كانش خداع ولوع.
كان عادى لو حب الأبيض أسود.
ماهو الحبيب كان شهم جدع.
الطبع فى قلبه معروف كان أبيض.
ومالوش فى خيانه ومياصه وبدع.
ولا كان فى الحب تختار الاجمل.
ولا زى دلوقتى مكياج وخدع.
كان حب زمان بالروح والدم.
مافهوش لا العيبه ولا حتى اتلم.
ولا عمره كان استعجال وسرع.
ده كان عالهادى بالدفى مليان.
وتعالا وشوف حبنا دلوقتى.
حب شهوانى بسرعه ووقتى.
حب قوام وجمال متصنع.
مليان تزوير وخداع ولوع.
متأسس قوى عالكدب وعادى.
اى كلام فى كلام عالفاضى.
برموش تركيب وخدود مدهونه.
وبروكة شعر بلاستيك هشه.
شبه الفورشه وراسها مقشه.
جمال مغشوش بمرايه وبدره.
وبصبونه تكشف أصل حقيقته.
حب دلوقتى مزيف خالص.
العاشق فيه نصاب وحرامى.
بلسان لو ينطق انى بحبك.
اهى كلمه واصل الحق مدارى.
وبلمسة ايد تسلم فى ثوانى.
من غير ولا شمعه فى قلب الضلمه.
حب زمان يفرق بصراحه.
وبيه النفس تكون مرتاحه.
ويا خسارتك يالى زمان مش عشت.
واديك فى حب دلوقت بورطه.
.........خاااااالص تحياااااااااتى...
..........." محمد الغربااااااااااوي ".....
ليست هناك تعليقات:
إرسال تعليق